Hay naku...

nagpapalipas ng oras
walang nangyayari
dapat bang may mangyari?
wala!
nakakabato lang na isipin
na ang paghihintay ay wala ring patutunguhan
walang kahahantungan
'di rin naman nakakapagpahinga, 'di ba?
bagkos, may pagod pa rin nadarama
sa katawan, sa puso, sa utak

'di na nga lang bali
'di na lang iisipin na iniintay kita
'di na lang iindahin ang nararamdaman
ng pusong napapagod na
nababagot na...
sana naman kahit minsa'y
maalala mo rin
kung maalala mo man ako'y
sana
malaman ko
kung 'di man...
ipaalam mo rin sa akin na
'di mo na nga ako naaala-ala
na 'di na kita dapat intayin pa
:(

Nasaan ang rosas?

Ikaw ay nangako
na ako ay paliligayahin
Ikaw ay nangako
na ako ay aarugain

Nang aking tanggapin
ang iyong sinabi
Akala ko, mayroon rosas
Lagi sa aking tabi

Ngunit ano ang nangyari?
Nang tayo ay naging-isa
Sama ng loob at problema
Ang iyong ipinadama

Puro na lamang tinik
Ang aking nahawakan
Ni kaunting katahimikan
At Ligaya ay walang nakamtan

Saan napunta
Ang iyong mga pangako?
Bakit puro tinik ang natira
Sa mga rosas mo?

Nasaan ang rosas
Na aking inaasam-asam?
Na sa piling mo
Sana ay nakamtan
- written Sept. 13, 1985
----

Look back! read the date again;
Twenty years had passed
Hmmm, funny how we sometimes don't like to turn back...look back
Refresh the memories?
As i see through my life, it indeed just goes round and round... in circles
Just like a roller coaster ride
We just have to learn how to get up and move on when finally
The ride ends...